شعر کردی
وناو خودا
سه لامی عه رض که م وه دلو وه گیان
وه خیون پاکو روح شه هیدان
سه لام وه خویشکیلو برایل خاصم
سه لام وه دایه ی پر وه احساسم
خودا خوه د زانید فه ره خه مینم
بار خه م ها ناو دلو ده رونم
تنیا که فتمه له گوشه ی شاران
بان گرمو وه ر رو وه رو گیه لان
سه لام وه یاد خودای بان سه ر
وه روح پاک شه هید کوه پیکر
سه لام وه برایل نامدار گیه لان
شه هید حسین پور، شه هید خوش روان
فه له ک دلگیرم وه دنیای فانی
برای شه هیدم چی وه جووانی
خسروی چه ده هه وای کو دیری
دل ته نگ پرهودید یا شه هید نوری
شه هید شیرزادی شیوی شیر داشتی
ایوشن له میدان فه ره گول کاشتین
شاره گه ی گیه لان پر ره مزو رازه
ره د پای شه هید فقیرنوازه
خوه ر آوای گیه لان فه ره دلگیره
خه یدم وه یاد شیریل دیره
شیری دیار دا له ناو آسمان
ایوشن سعداله اس برای خوه ش فه رمان
کویل دلگیرن وه دوری بالای
داورزادیش چی جور باقی برایل
فه له ک دلگیرم وه دنیای فانی
برای ره شیدم چی وه جووانی
شه هید بسیطی نیور میدانه
حافظ قورآنو نیور ایمانه
له بازی دراز جه نگ بیو ته ن وه ته ن
نوای ارتش چی تا ایمام حسن
حسین پور، جه نگه جه نگ سره مال
خوه د سر فراز بیود جور رستم زال
دشمن دلگیر بیو له رو سه رزمین
وه تاو حیدرپور له ناو آوزین
بهبود عه راقیل، کوشت له آوه زین
خو ییش له سه نگه ر غه لطان بیو وه خیون
عقیل وسایه وه توپخانه وه
دشمن داسه ده مه آتشخانه وه
شه هید شیرودی شیوی میر و خان
خیوند رشیایه وه ریو آسمان
شه هید شعله ور، میراحمدیان
بان وه دیار کشور ایران
شه هید هاوار که م، شه هید هایده کو
چه ن روژ تر توای انتخابات بو
دشمن ها که مین خیوند پای مال بو
شه هید هاوار که م امرو هایده کو
آو روژه ایوه چین وه رو میدان
وه عشق آقا وایمام ایران
شه هیدی گردین وه ده سه خودا
زنده ی ابدی له هه ردو دنیا
پژاره ی دشمن نابودی شاره
نابودی اسلامو دینو پیکاره
به رنامه دیری له شه و تا وه صو
امید خودا زیو تر نابود بوو
علی ته نیاسه له ناو سه رزمین
پیر میدانو جبهو دل و دین
شیوی جور شیوی ایمام دینه
بره سن وه داد ای سه ر زه مینه
شه هیدیل ها وار، هانام وه پیدان
مه ردم سه ر به رز بون له ناو امتحان
شاعر: زهرا محمودیان، طلبه پایه دوم
